Tikilluarit
Nuuk
Uanga Anja Strunz-imik ateqarpunga psykologiuvunga Nuummilu najungaqarlungalu sulivunga.
Aarhus Universitet-imi ukiut 5 psykolog-inngorniarnikuuvunga, ukiut pingasut bachelor-inngoriarlunga ukiut marluk kandidat-itut naammassillunga. Ilinniarnerup imarisai uani atuarneqarsinnaapput: bachelor.au.dk/psykologi · kandidat.au.dk/psykologi
2019-imi psykolog-itut autorisererpunga (maannakkut ”praksisuddannelse for psykologer”-mik taajuutilik). Naammassinissaanut piumasaqaatit uani atuarneqarsinnaapput: dp.dk/uddannelse-og-karriere/praksisuddannelse
2026-imilu Dansk Psykolog Forening ataani ”Psykoterapi med Voksne” specialist-inngorfingalugu. Naammassinissaanut piumasaqaatit uani atuarneqarsinnaavoq: dp.dk/…/specialist-i-psykoterapi
Psykologimik oqaloqateqarneq
Psykologimik oqaloqateqarneq assigiinngitsutigut iluaqutaasinnaavoq, soorlu;
Imaassinnaavoq tassanngaannaq aalassannartumik tupannartumillu misigisaqariataartutit inuunerullu isumaa tammartullusooq misinnarsinnaalluni. Qisuariaatsit pikkunarsinnaasarput paasiuminaallutillu taamaalillunilu ilaatigut annilaangalernermik, kamaqqajaanermik imal. Imminut mattunnermik kinguneqarsinnaalluni. Tassani tassanngaannaq pisimasoqartillugu tarnikkut ikiuigasuarneq iluaqutaasinnaavoq piffissallu ingerlanerani toqqissiartoqqinnissaq inuunermilu isummamik nassaaqqinnissaq anguneqaqqissinnaalluni.
Aappaattut imaassinnaavoq inuunermi aqqusaakkanni kingunerluuteqartutit, imaassinnaasoq eqqarsaatit oqimaattut kalluisullu atugarigitit tassanilu katsorsartinneq iluaqutaasinnaavoq. Imaassinnaavoq aamma aappariittut imal. Ilaqutariittut annernartunik aqqusaagaqarnikuususi, tassanilu iluaqutaasinnaalluni pisimasut eqqartussallugit qaagiiniaraanni allannguerusukkaanniluunniit.
Pingajuattut imaassinnaavoq inulerisuusutit, inulerisuullunilu imaannaanngilaq aamma assigiinngitsutigut eqqortissinnaallutalu aalassalersinnaasarpugut, ilaatigulluunniit sivittortumik sunnertikkaluarluta maluginngitsoortarlutigu. Tassani supervision-i pisoqarsimatillugu tarnikkut timikkullu kingunerluuteqalernissaq pinaveersaartitsisinnaavoq imal. Uippakajaalerneq qasusoornerlu pinaveersaartinniarlugu supervisor-itut nakkutiginnitsuusinnaallunga. Suleqatillu eqimattakkuutaarnermi supervision-eraanni kisimiittutut misiginnginnissaq kiisalu allat misigisimasai ilinniutigineqarsinnaallutik.
Kiisalu imaassinnaavoq inuttut inerikkiartorusullutit oqaloqateqarusuttutit. Inuunermi atukkat qanorlu inooriaaseqarneq qanorlu aaliagiisarneq soqutigisaraara, taamaammat naatsorsuutigisinnaavat uanni apersortinninni assigiinngitsutigut takunneriataarsinnaasutit nutaanillu isumassarsisarnissat piffissallu ingerlanerani allannguiartuaarnissat anguniarsinnaavat.
Suliarisinnaasat
- 01Supervision psykolog-inut, aqutsisunut, allanillu ilinniangalinnut
- 02Saqqummiineq, pikkorissaaneq, workshop-ertitsinerlu
- 03Aappariinnik katsorsaaneq
- 04Katsorsaaneq/terapi immikkut eqimattakkaartunillu
Kinaavunga
Aasianni 1989-imi inunngorpunga Aasiannilu peroriartorlunga. Akusaavunga qallunaatullu oqalunnerusarlunga, kisianni aamma kalaallisut oqaluttarpunga.
Sulininni pingaartippara sullitakka killii killiffiilu mianersuutiginissaat ataqqinissaallu, inissaqartinnissaat, toqqissisimatinnissaat naapilluarnissaallu.
Suleriutsit
- Eksistentiel Fænomenologisk psykoterapi
- Neuroaffektiv psykoterapi
- Acceptance commitment therapy (ACT)
- Alternativ til Vold, Per Isdahl
- Allallu
Nuuk
Niels Hammekensvej 6A, 3900 NuukUanga Dansk Psykolog Foreningimut ilaasortaavunga, tamannalu isumaqarpoq peqatigiiffiup ileqqorissaarnissamut malittarisassai malikkikka kiisalu ingerlaavartumik immikkut ilisimasannik nutarterisarlunga.
